الثلاثاء، 7 أكتوبر 2008

تاج جديد

وصلنى تاج من الأخت العزيزة شهرزاد صاحبة مدونة رسائل إلى القمر وبدون إطالة هيا إلى التاج


متى بدأت التدوين وكيف دخلت عالم التدوين؟

بدأت أدون فى يناير عام 2007 فى مدونة (عن مصر) وبعد ثلاثة أشهر أغلقت المدونة نهائيا بعد أن اكتشفت أنه لا يقرأها أحد ولا يعرفها أحد غيرى ولكنى اكتشفت بعد ذلك أن التدوين أصبح إدمانى الجديد بعد القراءة فعدت مرة أخرى وأنشأت مدونة (قلب مصرى) يوم 11/08/2007 وهى التى أقوم بالتدوين من خلالها حالياً وأيضا لم يعرفها أحد حتى شهر مايو من عام 2008 وهو الشهر الذى بدأت أعرف فيه أن لى قراء منتظمون.

وقد دخلت عالم التدوين بعد أن قرأت مقالة فى جريدة الدستور عن التدوين والمدونين وكم حرية التعبير الذى نالوه فى مدوناتهم فتجولت بين عدة مدونات ثم عزمت وبدأت التدوين.


ايه كان انطباعك فى البداية ؟؟

فى البداية كنت أعتقد أنى أحاور نفسى فقط وأن المنشور على المدونة لا يؤثر فى أى شيء أو فى أى شخص ثم بعد ذلك بدأت أتعرف على عالم المدونين الحقيقى واكتشفت أن المدونين لهم تأثير قوى جداً على المجتمع على الأقل من الناحية الإجتماعية.


مين اكتر واحد بتحب تعليقه على بوستك الجديد ؟؟

بدون مجاملة وبدون ذكر عبارة أنى أهتم بكل التعليقات (رغم أنها حقيقية جدا) إلا أننى أهتم بشكل خاص وانتظر تعليقك دكتور أحمد فارس بلا جواد وهاجر العشرى شهد الكلمات والملاك ومحمد حمدى لكم دماغكم ولى دماغى وكذلك أهتم بتعليق الأميرة بيرى الصمت أبلغ لغات الكلام ورحاب كوكب آبى ودعاء مواجهات وكاميليا وثرثرة تحت المطر وياسمين عاقلة على أرض الجنون نوتة وقلم ود . مونى انطلاقة ورؤية تنهيدة لأنهم الأكثر مناقشة للمنشور وتفنيده وتحليله ونقده أيضاً لذا استشعر أن تعليقاتهم ليست من باب المجاملة ولا من باب سد الخانة.


ايه اهم حاجة اتعلمتها من عالم التدوين ؟

اتعلمت أكون أكثر تنظيماً وأكثر فاعلية وأن أهتم أكثر بالعمل الخيرى والمجتمعى.


حاسس ان التدوين له تأثير ؟

طبعا التدوين له تأثير بدليل كم المدونين المتزايد مع الوقت بشكل ملفت للنظر وبدليل حجم توزيع كتب المدونين أو الكتب التى تتحدث عنهم ومدى اهتمام الإعلام المرئى والمكتوب بالمدونين وأفكارهم ووجهات نظرهم حتى أن مركز دعم واتخاذ القرار تفرغ لعمل بحث كامل عن التدوين فى مصر.


تهدى التاج لمين؟

أى حد يحب يجاوب عليه.



هناك 58 تعليقًا:

Empress appy يقول...

الف مبروك على التاج بس تخلص منه بقى هههههههههه
وانا اسمى مكتوب ربنا يخليك يا ابو رقيه يا رب
وكل سنه وانت طيب وبخير
يا رب
وبعدين انت نورتنا فى عالم التدوين والله وزاد بيك شرف بالناس الحلوة

ماهرالشيال يقول...

النبيل قلب مصري
تحياتي
لا تتخيل يا أخي الكريم مدى سعادتي ،بفوزي بالمركز الأول في التعليق على هذا البوست ، وطبعا حكايتك عن التدوين والبدايات أثارت أشجاني ، فأنا عملت تدوينات مختلفة فصحى وعامية ،كتابات سريعة ،ومقالات مطولة ،أشعار ،قصص وكل ده في أقل من سنة في خمس مدونات 2 على البلوج سبوت واحده اسمها حواريات ودي ماتت وادعيلها بالرحمة وملفات مصرية اللي انت شرفتها بتعليقك ،الثلاث مدونات الأخرى على جيران ودول بقى لهم حكاية طويلة ليها العجب ....تحياتي ياقلب مصري
بس معلش أنا عايز أعرف البنوته الجميلة اللي انت شايلها دي بنتك ولاَّ لأ ولوبنتك اسمها إيه علشان أنا بأحب أخاطب أصدقائي بالكنية على سبيل التكريم .... أنا يظهر طولت عليك سامحني وتحياتي مرة تانية .... سلام
ماهر
يا خسارة وأنا بأكتب التعليق حد سبقني يلاَّ ماليش حظ .

فارس بلا جواد يقول...

عالم التدوين هو اللي كسبك واحنا اللي محظوظين اننا نقرا اعمالك
متشكر جدا علي اهتمامك برأيي وانت عارف ان القلوب عند بعضها
انا كمان ان شاء الله هاجاوب التاج ده قريب بس يارب اعرف اجاوبه بالحلاوة دي

محمد فاروق الشاذلى يقول...

العزيزة آبى
طبعا رأيك يهمنى لأنك من المدونين اللى بحترم أفكارهم جدا وبهتم قوى بزيارة مدونتهم

شرفتينى

محمد فاروق الشاذلى يقول...

ماهر الشيال
اعتبر إن تعليقك هو الأول
اللهم يرحم حواريات وياريت تقولى اللينك بتاع المدونات اللى على جيران علشان اتشرف بزيارتهم
اللى على دراعى دى بنتى رقية واكون سعيد لو خاطبتنى بأبو رقية

محمد فاروق الشاذلى يقول...

فارس بلا جواد
والله يا اخى انا اللى محظوظ بالتعرف عليكم ولازم تكون عارف انك من اكتر الناس اللى بهتم بتعليقها لأنك مش بتجامل وبتقول الصراحة وكمان انت من اوائل الناس اللى اتشرفت بزيارتهم للمدونة وليك اعتزاز خاص فى قلبى

غير معرف يقول...

أجابات مميزة
سعدت بمعرفتى مدونتك

تحياتى

محمد فاروق الشاذلى يقول...

بوس بوس
أنا كمان سعيد بمرورك

أشكرك

AHMED SAMIR يقول...

المدونون لهم الشرف بانضمامك اليهم
تحياتي واحتراماتي

محمد فاروق الشاذلى يقول...

أحمد سمير
الشرف من نصيبى أنا أنك زرت مدونتى المتواضعة

تقبل تحياتى

الفارس الملثم يقول...

بجد اجابتك جميله اوي , وتعرف انا برده كنت زيك عملت مدونه وقفلتها لما جالي احباط ان محدش بيدخل الا نادر

وبعد كده عملت المدونه بتاعتي الموجوده دلوقتي وبدأت ازور مدونات تانيه , واد ايه كنت فرحان لما حسيت ان في ناس بتهتم باللي بكتبه وبقوا اقرب لاصدقاء تدوينيين بنتظر رايهم وزيارتاتهم وازعل لو اتاخروا في الرد

انا سعيد جدا اني من الناس اللي بتهتم بتعليقهم وده اكيد يشرفني

مع خالص تحياتي

Unknown يقول...

ايه ده .. دانا اسمي مكتوب :D

شوف بقي انا بصاب بذهول أو حيره أو ارهاق من بوستاتك اللي فاتت :)

بس البوست ده أصابني بالانبساط :)

بس علي فكره ده برضه رأيي ف تعليقات حضرتك لأنها بتضيفلي الكثير جدا :)

تحياتي

ياسمين

kochia يقول...

وعرفت ازاي بعد كدة ان لك قراء منتظمون ؟؟
بس علي العموم المدونة تستحق النتابعة

تحياتي

شهد الكلمات يقول...

ازيك يا ابو رقية

كلامك ده اجمل عدية منك ادتهالي في العيد
طبعا مش محتاجة اقولك انا بعزك اد اية و اني بحترم قلمك و نقدك و تعليقك
و بجد لو ماكنش قلمك صادق و مبدع ماكنتش حققت النجاح ده
و سعيدة انك رجعت للتدوين تاني بعد المدونة الاولي و الا كنا هانخسر كاتب كبييييييييير اد الدنيا

ادام الله علينا الود

تحياتي لك و لرقيةو مامه رقية

كـــيــــــــارا يقول...

مبروووووووووووك علي التاج

واجابات مميزه فعلا

نـــــور يقول...

السلام عليكم
اولا لازم نشكر جريده الدستور دى اللى عرفتنا على حضرتك احم احم :)

وثانيا انا شايفه بجد ان قلمك يستاهل الاحترام وحضرتك يمكن ماتعرفش قد ايه انا بحترمه

تحياتى دايما
وكل تاج وحضرتك طيب:)

نـــــور يقول...
أزال المؤلف هذا التعليق.
ماهرالشيال يقول...

صديقي النبيل أبو رقية ... تحياتي شوف ياصديقي ده لينك المدونة بتاعتي على جيران اللي ورثت مدونة ارتكب في حقها جريمة بشعة ،ادخل واعرف أصل الحكاية .
http://kafshtcmentany.jeeran.com/
حكاية ليها العجب ياصاحبي ..مستنيك هناك
سلام .
ماهر

Unknown يقول...

هو انت صحيح اسم بنتك رقيه ؟

انا بحب الاسم ده أوي .. ربنا يخليهالك :)

محمد فاروق الشاذلى يقول...

صديقى العزيز محمد الفارس الملثم
بجد أنت إنسان احترم عقله لذا فأنا أهتم بتعليقك على ما أكتب وأسعدنى أنى إكتسبت صداقتك وهو شيء أعتز به بشدة.

محمد فاروق الشاذلى يقول...

ياسمين
طبعا اسمك لازم يكون مكتوب لأنك موهوبة (ما شاء الله) ورأيك بيهمنى فعلا.

محمد فاروق الشاذلى يقول...

كوشيا
عرفت إن لي قراء منتظمون لأنهم يتابعون المنشور دائما ويناقشوننى فيه بالتعليق والرد مثل هؤلاء الذين ذكرت اسمائهم فى الاجابات.

محمد فاروق الشاذلى يقول...

شهد الكلمات / هاجر
ربنا يباركلك
انا والله بكون سعيد بتعليقك فعلا وبانتظره دايما.
سلامك وصل لرقية ومامتها وهن كمان بيسلموا عليكى

محمد فاروق الشاذلى يقول...

كيارا
اشكرك جدا على تعليقك

محمد فاروق الشاذلى يقول...

حبيبة
زيارتك وتعليقك دايما على راسى والله وانا آسف بجد إنى نسيت اكتب اسمك ضمن الناس اللى بهتم بتعليقها وبحترم مدونتها.

محمد فاروق الشاذلى يقول...

ماهر الشيال
انا سعيد جدا انك كتبت لينك المدونة وحالا إن شاء الله ازورها واعرف ايه الحكاية

محمد فاروق الشاذلى يقول...

ياسمين
ايوة صحيح بنتى اسمها رقية وخلى بالك إنى بهتم قوى إنها تنطق بالقاف مش بالهمزة
وربنا يستجيب منك دعائك إن ربنا يخليها لى

ahmed_k يقول...

جميله إجاباتك يا قلب مصري
وفعلا كان للتدوين أثره
الواضح من ناحيه العمل الإجتماعي
وأتمنى أن يزداد تأثيره في الفترا القادمه
ليعم كل أرجاء مصر

دمت بكل خير

محمد فاروق الشاذلى يقول...

أحمد ك

أتمنى معك أن يزداد تأثير التدوين والمدونين على مختلف المجالات فى مصر والعالم العربى كذلك

تحياتى

حسن حنفى يقول...

بسم الله ماشاء الله

ربنا يبارك في حضرتك يارب

حضرتك ليك تاج عندي

:d

Desert cat يقول...

بالفعل التدوين فيه مساحة حرية مش موجودة فى اى صحيفة معارضه
:)

محمد فاروق الشاذلى يقول...

حسن حنفى
ربنا يخليك يا حسن بس تسمح لى ازوغ من التاج ده لحد بس اثار التاج اللى فات ده ماتروح

محمد فاروق الشاذلى يقول...

قطة الصحراء
كلام حقيقى تماما لكن هذه المساحة من الحرية قد يسىء البعض استخدامها

كلام على بلاطة يقول...

;;ل عام وانت بخير

شفـقــة و إحســــان يقول...

مبروك على التاج انا جيت ابارك اهو
سلامى لرقية ومامتها

رؤية يقول...

اجمل ما فى التاج انه مختلف
ونجاحك فى التدوين بعد هجرانه اكثر ما اعجبنى
تجربتك لم تفدك وحدك بل افادت معك غيرك..

تحياتى لك

PrInCeSS BeRy يقول...

احلى اخ فى الدنيا اخبار حضرتك اية يارب تكون تمام دخولك التدوين خلانا نحس بالامان بجد لانك حد محترم جدا ما شاء الله عليك واحلى تاج واحلى اخ سلام

Beram ElMasry يقول...

الاخوة الاعزاء
السلام عليكم ورحمة الله
بناء على رغبة الكثير من الاصدقاء المدونين ، وفى مقدمتهم الاخ الدكتور توكل مسعود ، فى تغير اصم مدونتى من ( المدهول ) الى اسم اخر يليق بمحتوى المدونة ، وانطلاقا من طبيعتة الغيورة على اصدقائه ، ومن الاسماء المعروضة ( كرباج سودانى ) وقد وقع عليه اختياؤى ، وصار هذا اسم المدونة الجديد
لااختلاف فىالمحتوى ولا تغير فى موعد كل جديد وهو يوم الثلاثاء
لكم كل الحب والاحترام

فشكووول يقول...

شكرا يا قلب مصرى على عزاءك الكريم عموما كل عام وانت بخير اشكرك على تعليقك على مدونتى وانا بداياتى مثلك تماما وبحاول اتعلم التدوين والتواصل مع الاخوه والابناء المدونين وبحاول احضر موضوعات نتحاور فيها وموضوعى القادم عن الاسكندريه التى عدت منها اليوم عشان عندى صدمه كبيره من هذه الزياره التى كنت اتمنى منها الاستمتاع ولكن عدت من الاسكندريه غاضبا وان شاء الله بعد ان انام اليوم واستريح من المشوار اكتب عن الاسكندريه غدا ان شاء الله.

فشكووول يقول...

شكرا يا قلب مصرى على عزاءك الكريم عموما كل عام وانت بخير اشكرك على تعليقك على مدونتى وانا بداياتى مثلك تماما وبحاول اتعلم التدوين والتواصل مع الاخوه والابناء المدونين وبحاول احضر موضوعات نتحاور فيها وموضوعى القادم عن الاسكندريه التى عدت منها اليوم عشان عندى صدمه كبيره من هذه الزياره التى كنت اتمنى منها الاستمتاع ولكن عدت من الاسكندريه غاضبا وان شاء الله بعد ان انام اليوم واستريح من المشوار اكتب عن الاسكندريه غدا ان شاء الله.

محمد فاروق الشاذلى يقول...

كلام على بلاطة
وحضرتك بخير

محمد فاروق الشاذلى يقول...

شفقة هانم وإحسان بك
الله يبارك فيكم والسلام وصل لرقية ومامتها وبيردوه بأحسن منه.

محمد فاروق الشاذلى يقول...

رؤية
أشكرك دائما يا أختى العزيزة عما ألمسه فى تعليقاتك من دعم وتشجيع.
تسعدنى زيارتك دائماً

محمد فاروق الشاذلى يقول...

أختى العزيزة / سمو الأميرة بيرى
تعليقك دائما مبهج وسعيد وينقل إلى دائما حالة من السعادة.
الحمد لله أخبارى جيدة، رجاء ألا تتغيبى عن عالم التدوين لفترات طويلة

محمد فاروق الشاذلى يقول...

بيرم المصرى
اسم كرباج سودانى افضل كثيرا من الاسم السابق ومعبر أكثر عن كتاباتك التى تجلد بها التزييف المحيط بنا لتظهر حقائق الأمور من خلال أشعارك الجيدة.

محمد فاروق الشاذلى يقول...

أستاذ / فشكول
حزنت بسبب صدمتك من زيارة الإسكندرية وفى انتظار معرفة السبب

مجلة سيكولوجية مصرية يقول...

جميل أن يفتح الانسان قلبه

تحياتى المدونة تجعل من يدخلها يشعر

بالدفء .. طبعا مش صاحبها قلب مصرى


---------------------------

أنت على موعد لزيارة مجلة سيكولوجية مصرية

http://psychologyegypt.blogspot.com

فى انتظارك

أسرة المجلة

l7zatelsafa يقول...

على فكرة انا عجبانى جدا فكرة التاج
لأنى جديدة فى عالم التدوين وبداياتك فى التدوين بتفكرنى ببدايتى دلوقتى لأن انا كمان أول ما عملت المدونة ما فيش حد قرأها غير صحباتى وهما يتعدوا على الأصابع وحضرتك الوحيد أنت وفارس بلا جواد اللى دخلتوا عليها
لذا فكرة أمسحها زى ما عملت ، بس أنا اللى مخلينى أستمر هى أنى بأشعر براحة وفضفضة مع نفسى عندما أكتب فأنا أكتب لكى أرتاح ليس لأنتظر تعليقات
ولكن أفرح كثيرا إذا وجدت اهتمام من أحد بالمدونة المتواضعة بتاعتى دى نقطة
النقطة التانية بخصوص أهتمامك بالتعليقات اللى بتجيلك ده مش واضح معايا
لأنى بعت لحضرتك تعليق وقولت فيه أنى عاوزة أعرف التاج ده بيتعمل أزاى ، او بيتبعت أزاى ، لأنى جديد فى التدوين زى ما قولت ، وما فيش خبرة ولا معرفة خالص ، فحضرتك ما ردتش عليا
ده عتابى على حضرتك

عالم حبيب يقول...

أخي الحبيب ما شاء الله عليك .. كل الناس بيعملوا مدونات في الأول ويلغوها لأنهم بيتصوروا ان ما فيش حد بيتابعهم .. ده الل اكتشتفه من اجابات كل الناس على التاج ده

عالم التدوين عالم جميل .. كلنا فيه اسرة واحدة .. ويارب يجمعنا في الدنيا على خير وفي الاخرة في الجنة يار ب العالمين

محمد فاروق الشاذلى يقول...

أحمد مصطفى
أشكرك على تعليقك ودعوتك مقبولة

محمد فاروق الشاذلى يقول...

لحظة صفا
أولا أنا باعتذر عن عدم الاجابة على سؤالك، التاج بيتم ارساله ليكى من أى من المدونين اللى جاوبوا عليه قبلك وتقدرى تاخدى التاج ده لو عايزة.

بالنسبة للمدونة الاولى فانا ماكنتش بهتم بالتعليقات وكم عددها لكن لم يكن يقرأها أحد على الاطلاق فعداد الزيارات كان اقصى عدد وصل اليه 12 فقط.

محمد فاروق الشاذلى يقول...

أخى الحبيب / حبيب
اين انت من مدة طويلة؟؟؟
عادة تشعر أن المدونة الاولى هى للتجريب واحيانا تنجح واحيانا اخرى لا وليست قاعدة ان كل المدونين يغلقون مدوناتهم الاولى

غير معرف يقول...

اجابات مفكره

لك تحياتى

Asmaa mahaba يقول...

احنا السابقون وانتم اللاحقون
قلبت انا المقوله صح؟؟
عشان جاوبت على نفس التاج زمان
ازدت عالم التدوين حكمه وعقلا راجحا
وافاده
وبنوته اموره ما شاء الله ربنا يباركلك فيها
سومه_87

محمد فاروق الشاذلى يقول...

MaGn0liA...
أشكرك جداً

محمد فاروق الشاذلى يقول...

سومة
كلماتك أرق من تنتظر رد.
أشكرك جدا لدعائك لابنتى وأسأل الله أن يستجيب

الملاك يقول...

السلام عليكم ورحمة الله وبركاته
أخى فى الله صاحب اصفى القلوب قلب مصرى اتمنى من الله ان تكون فى افضل حال

اخى اصدقك القول بانى شعرت بسعاده لا توصف عندما علمت بانى ممن تهتم بكلماتهم وتنتظرها لانى اعرف جيدا مدى ضعف كلماتى ولهذا فاهتمامك هذا يعد شرفا لى حقا لم اكن اتخيل ان احوذ عليه يوما من احد الاقلام الرائعه الهامة المؤثرة المحببه لدى والتى اعتز بها كثيرا

اسعدك الله اخى مثلما اسعدنى واكرمتنى ببعض من كرم اخلاقك فيعلم الله كم تؤثر فى كلماتك دائما جزاك الله بها خيرا

اعلم اخى اننا نحن من نهتم بكلماتك وننتظر دائما اعمالك وكتاباتك وما تحمله لنا دائما من خير وانك من الاقلام التى ادعو الله دائما بان يحفظها لنا

بارك الله لنا فى قلمك وقلبك وحفظك

تقبل اخى فائق احترامى وتقديرى واعتذارى على التأخير

دمت برعاية الله وحفظه

محمد فاروق الشاذلى يقول...

أختى فى الله الملاك
اهتمامى بتعليقاتك ينبع اساسا من احترامك لفكرك وما تكتبيه فى تعليقك من نقد ورؤية لما انشر، ولست ارى معك ضعفا فى التعبير عن افكارك.

حمدا لله على السلامة بعد هذا الغياب الطويل