الأحد، 24 أغسطس، 2008

يومين من السعادة


هما يومين من حياتى عشت فيهما سعادة بالغة لم أكن أتصور أن أمر بها من قبل لأننى قابلت مجموعة من الأشخاص الرائعين وهم المدونين

اليوم الأول: مشروع بؤجة الخير

وصلت متأخراً (على غير عادتى) وفى صحبتى حوريتين من الجنة (زوجتى الحبيبة وابنتى رقية) كان أول من قابلت الأخ الجميل / خالد صاحب مدونة همس الأحباب المتعاون بشدة مع كل من حوله ثم عرفنى على الأستاذ / أحمد كمال صاحب مدونة رحايا العمر ولست أدرى ما السبب الذى جعلنى أشعر بمجرد أن نظرت فى وجهه أنه أخى الكبير، هو دمث الخلق إلى حد فوق الوصف وتشعرك ابتسامته المرحبة براحة كبيرة، ثم عرفتنى آبى من ابنتى رقية ووجدتها مثل مدونتها تمتلئ بالحيوية والحركة والنشاط، جاءت جلستى بجوار أحمد الصباغ صاحب مدونة خالو أحمد الصباغ والذى يشعرك من اللحظة الأولى أنك صديقه القديم الذى افتقدك منذ فترة ثم قابلت أحمد سووو صاحب مدونة عجوز وعندى 30 سنة وأحمد سكر، لم تطل جلستى معهم فبعد أن صلينا الجمعة اضطررت أسفاً أن أنصرف لارتباطى بمواعيد أخرى لكن السعادة بهذه المقابلة كانت أكبر مما تخيلت.

اليوم الثانى: حفل توقيع مدونات مصرية للجيب (مصر فى قطعة جاتوه)

هذه المرة وصلت مبكراً وكان المكان فى ساقية الصاوى ولم أجد أحداً من العاملين هناك يعلم أن حفل التوقيع هو اليوم (السبت 23/8) ولا أحد يعلم فى أى قاعة هو وكان لا بد أن أكتشف بنفسى مكان الحفل وأثناء مرورى بين القاعات رأيت الصباغ وبمجرد أن رآنى أشار لى من بعيد وابتسامته تعلو وجه وقابلنى بالحضن كأصدقاء منذ سنوات ثم عرفنى على كنز بشرى تملئه الطيبة والسماحة والمحبة وهو أمر ليس بغريب حينما تعرف أن هذا الكنز هو الأب الروحى لكل المدونين الأستاذ / أبو خالد صاحب مدونة ذكريات أبو خالد والذى ما أن تراه حتى تجد نفسك تناديه بـ (بابا) رغم أنها أول مرة تقابله وكان بصحبته كنز آخر هو الدكتور محمود صاحب مدونة بطوط حبوب (الأحسن من صورته بكثير) وتحدثنا كثيراً كأننا نعرف بعض منذ زمن بعيد ثم بدأت فقرات حفل التوقيع (وكان أحمد الصباغ يدور فى كل مكان لالتقاط الصور وقد مازحته بأننى سآخذ نسخة من هذه الصورة وانشرها فى هذا البوست وقد تقبل ذلك بصدر رحب جداً) بعد أن اشتريت الكتاب حصلت على أول توقيع على الاطلاق فى الحفل من الأستاذ / أحمد كمال (رحايا العمر) والذى أسعدنى لقائه مرة أخرى وكذلك قابلت خالد همس الأحباب وبسمته سفير محبة بين الناس وصاحب الشخصية الجميلة أحمد سوو صاحب مدونة عجوز وعندى 30 سنة الذى تشعر فوراً أنك أمام شاب جدع جداً ومصرى قوى ثم جاءت المصادفة الجميلة بلقاء أخت تحترم عقلها بشدة وهى دعاء صاحبة مدونة مواجهات وحصلت منها على توقيع على الكتاب رغم أنها لم تشارك فى هذا العدد ثم كتب لى أبينا أبو خالد كلمة طيبة فى صفحات الكتاب وخالد همس الأحباب وأحمد سكر الذى تحبه فور أن تتكلم معه ثم توقيع أشرف توفيق صاحب مدونة أخف دم (وهو فى منتهى التواضع) ثم قابلت الثنائى الرائع شفقة وإحسان ويا رب أدم عليهما السعادة والهناء إلى الأبد ثم توقيع الشاعر الجميل محمد فكرى ثم توقيع مروة جمعة صاحبة مدونة صباح الورد ثم توقيع مها زين صاحبة مدونة إنها الحياة وبعد كثير من الكلام والضحك اضطررت مرة أخرى للانصراف مبكراً لكن هذه المرة محمل بمخزون من السعادة كافى لمواجهة ضغوط الحياة لفترة طوووووويلة قادمة.

كلمة أخيرة:

إنهم شباب مصريين يحبون مصر جداً ولديهم مواهب جميلة جداً وحقيقية جداً سعدت بلقائهم لأنهم إيجابيين لا يحلمون لمصر بغد أفضل ولكنهم يسعون لجعل مصر أفضل، فبعد أن شبعنا شعارات سعدت أن أجد أن هناك من لديه القدرة على تحقيق واقع جميل.

أشكركم من كل قلبى وأوجه لكم تحية صادقة.

هناك 126 تعليقًا:

appy يقول...

بجد انا اللى سعيده بمعرفت وبجد كانت مفجأه حلوة ليه تشريفك لينا وانك فعلا وعدت ونفذت ونورتنا انت ورقيه والمدام سلامى بجد ليهم

قلب مصرى يقول...

آبى
ربنا يجعلنا دايما من الذين يحسنون صنعاً ونسأل الله أن يجعله فى ميزان حسناتنا.
ومش قادر أقولك قد ايه سعيد بدعوتك الكريمة دى إنتى وقوس قزح لمشروع بؤجة الخير

شرفتينى جدا

رؤية يقول...

شعرت وكانى معكم وددت لو كنت،
ادام الله سعادتك،
تحياتى لك.

قلب مصرى يقول...

رؤية
ليتك بالفعل كنت معنا فلقد فاتك الكثير.
إن شاء الله المرة اللى جاية هابلغك قبلها بفترة كافية

حسن حنفى يقول...

ربنا يبارك في حضرتك

قلب مصرى يقول...

حسن حنفى
ويبارك فيك يا صديقى، أتمنى أن أراك إن شاء الله فى اللقاء القادم

منورنى دايما وشكرا للمتابعة

شفقة هانم واحسان بك يقول...

احنا سعداء جدا جدا بمعرفتك وكان لينا الشرف اننا شوفناك فى الحفلة

قلب مصرى يقول...

شفقة هان وإحسان بك
والله أنأ الأسعد وكنت فرحان فعلا بمقابلتكم وربنا يارب يجعلكم دايما متهنين وسعدا إن شاء الله

همس الاحباب يقول...

ابو رقية
سعدت بمقابلتك ومعرفة حضرتك كثيرا
وكنت من المحظوظين بحق فى رؤية حضرتك مرتين متتاليتين
وسعدت اكثر بوجودك بيننا وسعادتك التى لمحتها فى عينيك
بارك الله للك وعقبال ما تفرح بالجميلة رقية
تحياتى وتقبل مرورى اخى الكريم
خالد

شهد الكلمات يقول...

مع الاسف كان نفسي اشارك في بؤجة الخير بس انا بابا و ماما كانوا رجعين من العمرة في اليوم ده

و كان يوم مزحوم بشكل غير طبيعي

سلامي لكل اللي شارك

و اية موضوع الكتاب دة ماسمعتش عنه خالص !!!!!!!!!!!

تحياتي

قلب مصرى يقول...

خالد همس الأحباب
أولاً سعادتى لا توصف بلقائكم وفرحتى لا حد لها لمعرفتكم.
أنت إنسان رائع وشرف لى أن قابلتك فى حياتى.

نورت المدونة وأتمنى أن نتقابل كثيراً
تقبل تحياتى

قلب مصرى يقول...

شهد الكلمات
حمداً لله على سلامة الوالد والوالدة ويارب تقبل منهم الأعمال الصالحة.
أما موضوع الكتاب فده كتاب بيجمع مجموعة من التدوينات ويقوم بنشرها وهو اسمه (مدونات مصرية للجيب) وصدر منه يوم السبت 23 / 8 العدد الثانى يعنى الحكاية لسه فى اولها.
لو محتاجة معلومات أكتر هتلاقى بوست منشور عندى بالتفاصيل بس ده قديم شوية.

نورتينى

بطوط حبوب يقول...

عن نفسى هحتاج بوستات كتييييييير عشان اعبر عن كم سعادتى بيك بجد

انا فعلا من اول دقيقه بدأت اتكلم معاك وكاننا نعرف بعض من مليون سنه

ربنا يديم المحبه
انت فعلا الواحد بيندم انه معرفوش من زمان

اكيد هنشوف بعض تانى وهعاكس رقيه وودامك بلطجه بقى
:D

قلب مصرى يقول...

بطوط حبوب
إيه النور ده يا دكتور
يا عم عاكس رقية براحتك من غير بلطجة ولا حاجة بس لما تلاقى نفسك مدبس فى جوازة ما تعيطش بقى.

نورتنى بجد والله

فارس بلا جواد يقول...

يا بختك
اكيد كان لقاء جميل وممتع .. كان نفسي أكون موجود بس بصراحة مفيش حد شجعني .. و كنت عايز اتأكد اذا كان في حد من اصدقاء مدونتي هيبقي موجود
لكن ان شاء الله تتعوض في المرات القادمة
تحياتي

قلب مصرى يقول...

فارس بلا جواد
كنت طول الوقت عمال ابص على الموجودين واسأل نفسى ياتر دكتور فارس موجود ولا لأ، لكن إن شاء الله المرة اللى جايه نشجع بعض ونتقابل.

لك كل التحيات

شهرزاد يقول...

ربنا يديم عليك السعادة دائما
لقاء جميل فعلا
وكلنا نتمنى اللقاء بكل المدونين

ألف تحية لك

(احمد سكر ) يقول...

السلام عليكم ورحمة الله وبركااته

ازيك ياابو رقيه

والله انا سعيد جدا بلقاءك

وان مأسعدناش الحظ اننا نقعد فتره طويله مع بعض

بس ان شاء الله ملحوقه فى لقاءات تانيه قادمه

ايون ما خلاص ياااحلو

انت بقيت من العائله

تحياااتى اخى الفاضل

واحلا بوسه لرقيه

اخيك

احمد سكر

الملاك يقول...

السلام عليكم ورحمة الله وبركاته
اخى فى الله قلب مصرى
كل عام وانت واسرتك الكريمة بكل خير

اخى كلماتك دائما ما تصل الى قلبى مباشرة فارى ما تصفه حى امامى

بجد خلتنى فعلا احس بعظمة هذا اللقاء الذى جمع بين اخوة واخوات فى الله لم يربطهم الا حب فى الله ثم حب لوطننا الحبيب مصر ولكم تمنيت ان اكون معكم فى بؤجة الخير لولا ظروفى التى لم تسمح لى بذلك لانشغالى الشديد هذه الايام ولكنى احمد الله ان بيننا من يمتلكون قلوبا مثل قلوبكم

بارك الله فيكم وجزاكم كل الخير وحفظ عليكم قلوبكم النقيه

دمتم اخى برعاية الله وحفظه

الفارس الملثم يقول...

واضح من كلامك , انها كانت رفقه جميله اوي , واكيد مثل تلك اللقاءات تساعد علي التواصل الانساني بصوره اكبر بين المدونين ,ربما تمنيت التواجد معكم , لكن هناك ظروف خاصه تحول دون ذلك ..

لك مني خالص التحيه

أحمد سلامــة يقول...

احنا بجد اللي سعدنا بحضرتك وكنت اتمنى اقابلك في الحفل
ان شاء الله المرة الجاية الاقيك ويا رب الكتاب يكون عند حسن ظنك

قلب مصرى يقول...

شهرزاد
اللقائين بالفعل كانا على مستوى رائع بسبب المودة والحب التى جمعت كل المتواجدين.
إن شاء الله تتواجدين فى المرات القادمة.

قلب مصرى يقول...

أحمد سكر
يا حبيبى أنى يسعدنى قوى إنى أكون من العيلة ولا زم إن شاء الله أكون حريص جداً إننا نتقابل تانى ونقعد مع بعض وقت أطول.
أما حكاية بوسة رقية دى فممنوع لأنها مش هاتبوس صبيان خلاص D:

قلب مصرى يقول...

أختى فى الله الملاك
وعليكم السلام ورحمة الله وبركاته
وكل سنة وحضرتك طيبة
سعيد يتعليقك قوى وأكيد إن شاء الله تكونى خدتى حسنات على نيتك فى المشاركة وربنا يسهل وتكونى موجودة المرة اللى جاية

قلب مصرى يقول...

أخى الفارس الملثم
الرفقة بالفعل كانت غاية فى الروعة وخاصة حينما تكتشف أن الأشخاص الذين احترمت فكرهم هم شخصيات تحترم كأفراد كذلك.

أتمنى أن أراك فى اللقاءات القادمة بإذن الله

قلب مصرى يقول...

أحمد سلامة
منور المدونة
أنا الذى كنت أكثر سعادة بحضورى بينكم
وبالفعل الكتاب نالى إعجابى الشديد.
تمنياتى بدوام التقدم والرقى

كاميليا يقول...

آصبحت احب القراءة عن هذه اللقاءات كثيرا

واصبحت اتخيلها من سطور كاتبها

وارانى مع المجموعة فى مكان ما

واحيانا عندما اقرأ ما يضحك اضحك واشعر بفرحة وحرارة اللقاء

ربنا يجمعكم فى الخير دوما يارب

تحياتى لاجمل قلب مصرى
قلب من بلدى
التى اعشقها

كل عام وانت بخير
تقبل الله منك صيامك وقيامك وصالح اعمالك يارب


احترامى

قلب مصرى يقول...

كاميليا
دائماً تسعدنى زيارتك وابحث عن تعليقك على كل تدوينة.

اشكرك بشدة

السماء الداميه يقول...

على فكرة انا نادمان انى مكنتش موجود مش كفاية كدة بقى ولا انت بتغظنى ولا ايه

قلب مصرى يقول...

السماء الدامية
لو كانت متابع كنت عرفت المكان والزمان وكنت عرفت تيجى
انت حر

منور طبعا أنا بهزر معاك المرة اللى جاية هاكلمك قبلها واقولك إن شاء الله

almasry يقول...

طيب مبروك عليكم الحاجات دى كلها ول انى كنت نفسى أكون أعرف الحكايه دى من بدرى على الأقل أشوف حفل التوقيع والفرحه على وجوهكم ولو من بعيد لكن قدر وما شاء فعل


تحيـــــاتى
المصرى

عالم حبيب يقول...

ما شاء الله

كل ما ادخل مدونة الاقيهم كاتبين عن اللقاء ده .. كنت أتمنى أكون معاكم

ربنا يرجعنا بالسلامة ونلتقي بالأحبة جميعا

تقبل تحياتي حبيبنا الغالي

محب الخير لك : حبيب

tote يقول...

السلام عليكم
ربنا يديم السعادة عليك يا رب
وفعلا يومين رائعين وده واضح من السعادة فى الكتابه عنهم
ربنا يوفقك

سومه...مجنونه فى بلد عاقل يقول...

على فكره انا كنت بحب اسم رقيه وحبيته اكتر بعد ما شفت بنتك ربنا يحفظها ما شاء الله زى العسل
بس شكلها متعلقه بيك قوى والله مامتها صعبت عليا لانك نزلت تصلى وهى مبطلتش عياط
عموما ربنا يبارك لحضرتك فيها ويحفظهالك وتشوفها وهى عروسه
تحياتى لحضرتك سومه_87

قلب مصرى يقول...

المصرى
الله يبارك فيك، إن شاء الله لما يكون فى لقاء تانى قريب هاسيب لك تعليق من قبلها بوقت كافى علشان تجهز نفسك.
على فكرة لو دخلت على مدونة أحمد الصباغ هتلاقى فيديو وصور لليوم.

قلب مصرى يقول...

حبيب
إن شاء الله ربنا يكتب لك السلامة وترجع تنور مصر تانى وساعتها إن شاء الله نتقابل كلنا فى الخير يارب.

تقبل احترامى

قلب مصرى يقول...

توتى
منورة المدونة، والله فعلا كانوا يومين فى منتهى الجمال، يارب تقدرى تشاركينا اللقاء القادم

قلب مصرى يقول...

سومة .. مجنونة فى بلد عاقل
والله انتوا اللى صعبتوا عليها أكتر سبب الإزعاج الشديد اللى رقية سببته لكل الناس فى اليوم ده.

وهى فعلا متعلقة بيا جداً ودى حاجة بتغيظ مامتها شوية ههههههههه.

نورتينى يا سومة.

الفاتح اليعقوبي يقول...

السلام عليكم
ربنا يكرمك يااستاذنا
فعلا كان يوم جميل انا رحت بس للاسف لم أري حضرتك تترد في يوم تاني باذن الله
دمت بخير صحة وعافية
والسلام

قلب مصرى يقول...

الفاتح اليعقوبى
والله سعيد بزايرتك للمدونة جداً خاصة إنى سمعت من أكتر من حد من الموجودين كلام كويس قوى عنك وبالفعل كان نفسى أتعرف عليك قوى.
لكن إن شاء الله المرات اللى جاية لازم هادور عليك لحد ما الاقيك.
تحياتى واحترامى.

كرهتك يا مصر يقول...

ايه دا؟؟؟

فرحان وسعيد ؟؟؟

كويس بقى حد فى مصر فرحان؟؟؟

مصر فاسدة يا استاذ وشعبها بقى جبان

كرهت مصر وشعبها القذر الجبان

قلب مصرى يقول...

لو كنت موجود يوم بؤجة الخير كنت هاتعرف تكون سعيد زينا، صحيح احنا بتحرك ببطء شدييييييد قوى لكن كويس إن فيه حركة !!!
احترامى ليك ولرأيك
نورت المدونة وأهلا بيك فى أى وقت وياريت اختلافنا فى الرأى ما يكونش سبب إنك ماتزورنيش تانى.

قوس قزح يقول...

انا جاية اشكرك على مشاركتك معنا فى البؤجة
و اقولك ان بنوتك ما شاء الله عليها جميلة و عندى نسخة منها بس على ولد

و ان شاء الله نشوفكم تانى فى رمضان

جزاك الله خير

قلب مصرى يقول...

قوس قزح
أنا اللى بشكرك جداً على دعوتك الكريمة إنتى وآبى وأستاذ أحمد كمال علشان نقدر نعمل خير زى ده.
إن شاء الله هاشارك معاكم فى رمضان طبعاً

Copa Zaki يقول...

والله كان نفسي اكون معاكم بس لظروف خارجه عن اراداتي اتركنت في بيتنا اهم شئ ان الكل كان سعيد باليوم و اسعد الي حواليه و ان شاء الله يكون لينا لقاء حقيقي في يوم

قلب مصرى يقول...

Copa Zaki
ياريتك يا صديقى كنت موجود كنت هاتنبسط قوى، وإن شاء الله تكون موجود المرة اللى جاية.

د. موني يقول...

وصفك للقاء جعلنى اشعر وكاننى كنت هناك وبدون وعى ابتسمت عند جملتك الاخيرة
اتمنى ان يظل التدوين مبعث على الامل ومصدر نقى لصداقات جديدة بريئة والا يطلع علينا من يسن القوانين ويضع العراقيل امام صراحتنا وتعبيرنا الحر
دمت طيبا ورمضان كريم
بالمناسبة اشتريت لحبيبة الفانوس ولا لسه؟
اوعى يكون صينى برضه
ههههههه
تقبل مرورى ودعواتى

MaGn0liA... يقول...

ما شاء الله

بجد البوست اسعدنى لسعادتكم

و لانى لقيت حاجات كتير فى المدونات لم اجده فى حياتى


و ان شاء الله يكون فى ايام عديده من السعاده

MaGn0liA... يقول...

ما شاء الله

بجد البوست اسعدنى لسعادتكم

و لانى لقيت حاجات كتير فى المدونات لم اجده فى حياتى


و ان شاء الله يكون فى ايام عديده من السعاده

قلب مصرى يقول...

د. مونى
كل سنة وحضرتك طيبة ورمضان كريم (بنتى اسمها رقية) وطبعا جالها فانوس لكن للأسف صينى.
عقبال يارب لما اشوف فى السوق فانوس مصرى أجود من الصينى.

قلب مصرى يقول...

MaGn0liA...
أشكرك على تضامنك وأتمنى أن تشاركنا لقائتنا القادمة

Gannah يقول...

أخى الكريم
انا حاولت ادخل مدونتك عشرات المرات ودى اول مرة انجح الحمد لله
كنت معاكم فى يوم البؤجة و شفت رقية ربنا يخليه ويباركلكم فيها
كان بالفعل يوم جميل
سلامى لاسرتك الكريمة
كل عام وانت بخير
تحياتى

قلب مصرى يقول...

أختى جنه
أشكرك على دعائك لى ولرقية واعتذر عن الإزعاج الشديد الذى سببته يوم بؤجة الخير
وإن شاء الله نتقابل مرة تانية فى مشروع خير زى ده

!!! عارفة ... مش عارف ليه يقول...

الف مبروك
وإن شاء الله
من نجاح إلى نجاح

تحياتي
وليد

قلب مصرى يقول...

وليد
الله يبارك فيك وإن شاء كلنا نتشارك فى النجاح ده على طول

نورتنى جدا

fire bird يقول...

الله
ايه الصحبة الجميلة دى

بجد لقاء جميل جدا

حاسة انى كنت معاكوا

جميل التعارف والود بين المدونين

ارق تحياتى

قلب مصرى يقول...

fire bird
بالفعل كانت صحبة جميلة جداً، نتمنى أن تشاركينا اللقاءات القادمة بإذن الله.

كل وعام وانتم بخير

عروسة ننوسة يقول...

ماشى يا عم عشتلك يومين يا بختك
كان نفسى اشوف رقية اوى سلامى ليها

واحــد ميــت يقول...

ربنا يبارك فى حضرتك

وكلامك بيعبر عن احساس فياض بالمشاعر الجميلة والرائعة

وفعلا الصحبة الخير دائما تجتمع سويا

ادام الله فى عمرك
وجعل كل فعل لك فى ميزان حسناتك باذن الله

تقبل تحياتى بكل ود ومحبة
ادعوكم لزيارة اجمل قلب
http://agml-qlb.blogspot.com/

dina seliman يقول...

ما اجملها من روح
استمتعت بما كتبت
ابقوا افتكروا اسكندريه بحفلاتكم
وربنا يجعل ايامكم كلها سعاده

Habiba يقول...

الله
يابختكوا
انا نفسى اقابل مجتمع مدونين كده مرة بجد

ازيك الاول يااستاذ كل سنه وحضرتك طيب رمضان كرييم
عفوا لتأخير التعلق

انما كنت عايزة اسأل حضرتك سؤال

هو الكتاب ده لو عايزة اشتريه الاقيه فين؟
الحاجه التانيه

اللى بيبقوا مشاركين فى الكتب دى بيتقدموا لا بيبقوا مدعوين؟؟؟

وثالثا ومعلش ازعجتك اللى بيكتبوا يتنشرلهم الكلام ده لازم تكن كتاباتهم باللغه العربيه؟؟ لا العامى شغال؟؟

رابعا بقى ل فيها غلاسه فييين الصور؟؟؟


كل سنه وحضرتك طيب مرة تانيه

قلب مصرى يقول...

عروسة ننوسة
ألف مبروك الكتاب وإن شاء الله يعمل مبيعات كويسة، سلامك وصلته لرقية ومامتها وبيشكروكى اوى.

قلب مصرى يقول...

واحد ميت
شكرا جدا على دعائك لى وإن شاء ازور مدونتك حالا دلوقت

قلب مصرى يقول...

دينا سليمان
كان فى بالفعل لقاء للمدونين فى الاسكندرية من حوالى اسبوعين بس محصليش شرف حضوره.
والتفاصيل هتلاقيها فى مدونة همس الأحباب وبطوط حبوب

قلب مصرى يقول...

حبيبة
كل سنة وحضرتك طيبة
الكتاب موجود فى عمر بوك ستورز اللى عند الجامعة الأمريكية.
والمشاركين فى الكتاب هم اللى بتقدموا للمشاركة وفى تفاصيل عن الموضوع فى بوست عندى، والمرة اللى جاية هابلغك بيها.
والكتابة بالعامية شغال ومافيش مشكلة.
والصور كلها على مدونة خالو أحمد الصباغ.

EMMY BABY يقول...

انا اسفة لتاخرى الشديد فى الرد ارجو ان تقبل عذرى

بجد اليومين اكيد كانوا اجمل من بعض

وانا للاسف مسمعتش عن الموضوع الا بعد ما رجعتم :))

كان نفسى اكون معاكم

ربنا يباركلك فى زوجتك وبنتك رقية

تحياتى

ايمى

كل سنة وانتم طيبين

maha zein يقول...

ايووووووووون
عرفتك
ومضيتلك ايون
اتمنالك تكون سعيد ومبسوط فى رمضان
ويا رب علي تواصل دائم
تحياتي ليك

Ahmed Al-Sabbagh يقول...

بجد سعيد اوى اوى اوى بمعرفتك

كل سنة وانت والأسرة الكريمة بكل خير

ورمضان كريم

وبعودة الايام

تقديرى ومحبتى

أحمد

محمد فكري يقول...

كان يوم جميل بجد
وانا سعيد بكل الناس اللي اتعرفت عليها
ومبروك لينا كلنا :)
..............
محمد فكري
..............

قلب مصرى يقول...

إيمى
كل سنة وحضرتك طيبة، ومافيش داعى للأسف
وإن شاء الله لما يكون فىيه تجمع تانى هاسيب تعليق عندك علشان تعرفى بدرى وتعرفى تيجى

نورتى

قلب مصرى يقول...

مها زين
كويس إنك عرفتينى، التوقيع ده هاحتفظ بيه لحد لما تبقى مشهورة كده وأقول أنا عندى توقيع من مها زين.
وكل سنة وحضرتك طيبة

قلب مصرى يقول...

خالو أحمد الصباغ
والله أنا أسعد بمعرفتك لأنك إنسان حقيقى جدع جدا، وكل رمضان وأنت فى أسعد حال.

تقبلى احترامى وتقديرى

قلب مصرى يقول...

الشاعر الجميل محمد فكرى
بجد وبدون مجاملة إن شاء الله هايكون ليك مستقبل هايل فى الشعر لأنك شاعر موهوب بجد.

سعيد بزارتك جداً
وكل رمضان وانت بالف خير

rara يقول...

كل سنة وانت طيب

رمضان كريم

همس الاحباب يقول...

كل سنة وحضرتك طيب
والاسرة الكريمة بصحة وسعادة
اعاد الله عليكم رمضان باليمن والخير والبركات
وبوسةكبيرة للامورة رقية وكل سنة وهى طيبة
رمضان كريم

قلب مصرى يقول...

rara
وكل سنة وحضرتك فى أحسن صحة وأفضل حال.

قلب مصرى يقول...

أ / خالد همس الأحباب
يا فندم ده شرف لينا كبير قوى إن حضرتك تقولى كل سنة وانت طيب.
وإذا كنت عايز تبوس رقية فانا كمان هابوس همس (ومحدش أجمل من حد).
يارب رمضان اللى جاى تكون فى العمرة إن شاء الله.

الملاك يقول...

السلام عليكم ورحمة الله وبركاته
اخى فى الله قلب مصرى كل عام وانت واسرتك الكريمة بالف خير وسعاده بمناسبة حلول شهر رمضان الكريم
دمت اخى ودامت اسرتك برعاية الله

قلب مصرى يقول...

اختى فى الله الملاك
وعليكم السلام ورحمة الله وبركاته
وكل عام وحضرتك فى أتم صحة وعافية وأفضل حال وأحسن إيمان وأقرب إلى الله

عاقلة علي ارض الجنون يقول...

كل سنه و انت طيب و دايما قلبك مصري :D

و رمضان كريم .. و بعوده الأيام

ألا متعرفش يعني ايه بعوده الأيام دي ؟؟

مممممممم

كل سنه و انت الي الله اقرب و علي طاعته ادوم و اللهم بلغك ليلة القدر ..

ابقي قوللي بقي يعني ايه بعوده الايام

هههههه

سلامو عليكو

ياسمين

قلب مصرى يقول...

عاقلة على أرض الجنون:
وكل عام وحضرتك بخير وسعادة وأفضل حالا،
معنى بعودة الأيام هى أمنية أن تعود أيام رمضان القادم والشخص منا حى يرزق أى هى دعوة بمد العمر إلى العام القادم والله أعلم.

أحمد سلامــة يقول...

كل عام وانت بخير وبصحة وسعادة
ربنا يجعل اعمال هذا الشهر في ميزان حسناتك ويم القيامة

قوس قزح يقول...

يارب
كلما طرق هذا العبد بابك
أفتح له كنوزك
و سخر له عبيدك
و ابسط له رحمتك
اللهم اجعله من الصائمين القاثمين
الركع السجود
و بارك له فى شعبان و بلغه رمضان
فى يسر و سلامة و امان
اللهم امين

كل سنة و انت الى الله اقرب

قلب مصرى يقول...

أحمد سلامة
وحضرتك بألف خير وفى أحسن حال.
وربنا يتقبلنا جميعا ويتقبل أعمالنا

قلب مصرى يقول...

قوس قزح
اللهم آمين
اللهم آمين
اللهم آمين

ولك مثل ما دعيت .... وأفضل إن شاء الله

Desert cat يقول...

كل سنة وحضرتك طيب رمضان كريم يا فندم على حضرتك وكل اسرتك

الفارس الملثم يقول...

كل سنه وانت طيب يا قلب , واقرب لرحمة الله ومغفرته


تحياتي دوما

حنين.. يقول...

السلام عليكم
يا بخت حضرتك والله با اليومين دول
مع صحبه جميله
ربنا يباركللك فيهاااااااا دوما
انا بتهقيلى المقابله كانت فى اسكندريه
وانا كنت فى اسكندريه وقتها
بس قولت محدش هيعرفنى , المره الجايه ان شاء الله
وكل سنه وحضرتك طيب
ومدون
ومبدع ,,أسأل الله لكم فى شهر رمضان
حسنات تتكاثر وذنوب تتناثر
وهموم تتطاير
وأن يجعل بسمتكم سعادة
وصمتكم عبادة وخاتمتكم شهادة
ورزقكم فى زيادة
وبكل زخة مطر
وبعدد من حج واعتمر
أدعو الله أن يتقبل صالح العمل

فى انتظاررررررررررررر المزيد
تحياتى ليك
دمت سالم
حنين

نهر الحب يقول...

كل عام وانت بخير
وللاسف لم نستطيع التعرف بشكل اكبر عليك وعلى الاسرة يوم بؤجة الخير



رمضان كريم تقبل الله منا ومنكم صالح الاعمال

رباب كساب يقول...

ايها القلب المصري الجميل

كل عام وأنت بألف خير

كان نفسي أكون موجودة في اللقاء دا لكني لم أتمكن

تتعوض إن شاء الله

لك كل الشكر وخالص التحية

رمضان كريم

رباب

mthlykaweyy يقول...

اول زياره لى

مدونتك جميله

اعرفك بنفسى انا مثلى قوى من المثليين العرب

وجيد ان يجمع المدونون معا

ساذورك دائما وسانتظر زيارتك لى

لا تتاخر

تحياتى

قلب مصرى يقول...

قطة الصحراء
وانت طيبة يا فندم وربنا يتقبل منك.

قلب مصرى يقول...

محمد الفارس الملثم
وانت طيب يا صديقى وربنا يتقبل منا ومنك

تحياتى القلبية

قلب مصرى يقول...

اختى حنين
لو قدر لنا الله أن يتفق المدونون على لقاء آخر فسأخطرك بإذن الله.
اللهم استجب لك ورزقك مثلما دعوتى لى

احتراماتى

قلب مصرى يقول...

نهر الحب
إن شاء الله تتعوض فى يوم تانى جاى.

وربنا يتقبل أعمالك الصالحات

قلب مصرى يقول...

رباب كساب
مرحبا بك دائما وإن شاء الله تتواجدى المرات القادمة.

كل سنة وحضرتك طيبة

قلب مصرى يقول...

mthlykaweyy
مرحبا بزيارتك ورمضان كريم
تحياتى

طارق الغنام يقول...

اخى الحبيب
كل عام وانت بخير
كل عام وانت الى الله اقرب
ماشاء الله ربنا يبارك فيك واتمنى اكون المرة القادمه معكم لأتعرف على شخصك الكريم وكل من قابلت
تحياتى لك

قلب مصرى يقول...

أ / طارق
لقد تمنيت أن تكون موجوداً بالفعل، وإن شاء الله المرات القادمة نتقابل

كل رمضان وانت بخير

ورود و أشواك يقول...

بجد كلامكو يشرح القلب
دى تانى مدونة اقرى فيها عن موضوع مصر قطعة جاتو
بصراحة انا مكنتش اعرف ان فى كتاب للمدونين اصلا بيتطبع
و يارتنى كنت من سكان القاهرة علشان اقدر اتواجد معاكو

معلش غصب عنى ححسدكو بقى

بجد تجربة مثيرة و جميلة بهنيكو عليها
و يا رب اقدر اكون معاكو فى اقرب فرصة

قلب مصرى يقول...

ورود وأشواك
على فكرة المدونين بيتقابلوا برضو فى كل المحافظات.
أما موضوع الكتاب فده ممكن تشاركى فيه بالبريد الإليكترونى.
وموضوع الحسد هانمشيها غبطة.

كل سنة وانتى طيبة

shimaa يقول...

السلام عليكم

كل سنة وحضرتك طيب

رمضان كريم

قلب مصرى يقول...

شيماء
وحضرتك طيبة ورمضان كريم عليكى وعلينا

Copa Zaki يقول...

كل سنه وانت طيب ورمضان كريم

و كم كنت اتمني اني اكون معكم

tote يقول...

السلام عليكم
كل عام وانت بخير ورمضان مبارك عليك
واتاخرت علينا فى الكتابة مستنين تسعدنا
رمضان مبارك

ahmed_k يقول...

أخي العزيز قلب مصري
كل عام وأنتم بخير
أطنك أخي الكريم لم تقرأ جيدا للمثيلي
الذي زار مدونتك وقمت بزيارته وتهنئته برمضان
أولا المثلي هو الشخص الشاذ الذي يقيم علاقة مع شخص آخر من نفس جنسه
وإقرأ مدوناته جيدا لتتأكد من مغازلته رجلا آخر
وثانيا هو غير معترف بدين الإسلام كدين سماوي
فهو ملحد وقد كان له مقال يتهكم فيه من الإسلام ووضع فيه صورا مسيئه للدين الحنيف
وقام بحذفه بعد أن نبهت أحد المدونين
من خطورته وخطورة إنتشار فكره

بارك الله فيك وجعلك خنجرا في قلوب أعداء دينه

وتقبل خالص تحياتي

في أمان الله

mthlykaweyy يقول...

جاءت لازورك بالصدفه وجدت
تعليق احمد

لا اعلم ماذا اقول لا اعلم

من قال لكم ااننى ملحد
انا مؤومن بالله جدا الله هو الحب
وياستاذ احمد انا لم انشر رسومات مسيئه للاسلام انا نشرت رسومات مسيئه للمتطرفين والمتعصبين فى كل الاسلام والمسيحيه وكل الاديان



وقمت بمسحها لانه بعض الناس قد فهموها
خطا

ياستاذ احمد انا كل اهلى مسلمون فكيف لا اعترف بالاسلام

لماذا تهاجمنى ياحمد وتكرهنى وانااحبك

وهل دخلت بضميرى وبقلبى لتحكم عليا وتكفرنى بهذه الطريقه

مش عارف ياقلب مصرى

حاسس ان مشاعرى اتكسرت

فقط اريدك ياقلب مصرى تحكم على من خلال ما تراه منى وليس من ما يحكى عنى وقد يكون خاطئا

احمد لا تكرهنى فانا احبك لا تحاربنى فانا لا احارب دينك او عقيدتك واو الاسلام
اتمنى ان تكون ياحمد اكثر رحمه فالاسلام هو دين الرحمه لا العنف

الم يقل الاسلام

الكلمه الطيبه كشجره طيبه

اتمنى ان تنفذ ما يقوله دينك وان لا تجرح فى خصوصا وانى لم اجرح باحد

وتذكر رحمه الرسول وسماحته عندما حتى قد سامج من كانوا يريدون قتله

اتمنى لك السعاده ياحمد وساحبك دائما حتى لو كرهتنى او فهمتنى بطريق الخطا

واشكرك جدا ياقلب مصرى واتمنى ان تكتب بوستاتك قريبا

ولا تتاخر علينا

تحياتى لكما

قلب مصرى يقول...

Copa Zaki
وأنت طيب يا صديقى وإن شاء الله اللقاء القادم يكون فى من نصيبنا رؤيتك.
تحياتى

قلب مصرى يقول...

tote
وحضرتك طيبة ورمضان كريم علينا وعلى المسلمين أجمعين.
وإن شاء الله لن أتأخر عليكم فى البوست الجديد

قلب مصرى يقول...

أخى أحمد
أعرف تماما ما هو المثلى وكيف يفكر وأنا لست ممن يرفضون الآخرين بسبب أفكارهم أما إسائته للإسلام فلم أرها فى مدونته، وتصرفاته فى الدنيا يحاسبه بها الله أما أنا فلست أهلا لذلك.
أنا أغار على دينى وأرفض تماماً الإساءة إليه أو جحوده أو نكرانه وأسأل الله عز وجل أن يهدينا إلى الصواب وألا نكون من الذين أساءوا وهم يحسبون أنهم يحسنون صنعاً.

أنا لا أتخذ صف أحد ضد أحد فكلنا حسابنا على الله عز وجل ونحن إن تجاهلنا المثليين واحجمنا عنهم فلا يعنى ذلك أنهم غير موجودين والمشكلة ليست فى أنى هنئته برمضان أو غير ذلك فلقد تبعت سنة النبى (إذا حييتم بتحية فردوها أو بأحسن منها) وقد زارنى المثلى وحيانى وقد رددت تحيته بأحسن منها. أفكاره له أو عليه وأفكارى لى أو على وأفكارك لك أو عليك، ولن يسأل أى منا عن أفعال الآخر.

قلب مصرى يقول...

مثلى قوى
أولاً أنا ضد فكرة أن يحب الرجل منا رجلاً آخر فهذا على خلاف فطرة الله ومما حرمه قطعاً وهذا شأنك أنت أمام الله فأنا لن أحاسبك على أفعالك فلست بخالقك.
وطالما أنك لم تأتى هنا لنشر أفكارك فأنت حر تأتى وتذهب وقتما تشاء فليس خلافى مع أفكارك خلافاً مع شخصك فنحن هنا نلتقى بأفكارنا فقط.
أعرف أن كثيرين لن يعجبهم ترحيبى بك لكنى أرحب بالجميع من أتفق معه ومن أختلف والحالة الوحيدة التى لن أرحب بزيارتك عندها هى إذا أساءت لدينى فإن لم تفعل فمرحبا بك.

كيارا يقول...

عاااااااااااااااااااااااا

كان نفسي اكون معاكم

يلا مش فيه نصيب بقي

كل سنه وانت طيب

رمضان كريم

قلب مصرى يقول...

كيارا
وانت طيبة ورالله أكرم
إن شاء الله تكونى معانا المرة اللى جايه

bema يقول...

أدعوك لزيارة مدونتى المتواضعه


دمت بخير

المسرحجى يقول...

اخويا الكبير

الله اكبر ... الله اكبر ... الله اكبر

ايه الصدى الجامد دة

طبعاً لازم أكون فخور بيك قوى
انت وجهة مشرفة لكل اللى يعرفوك

ربنا يزيد حب الناس ليك

رصيف نمره خمســــــه يقول...

كل سنة وحضرتك طيب وبالف خير

رمضان كريـــــــــــــــــــــم

Habiba يقول...

السلام عليكم
ازى حضرتك
انا عايزة اقول لحضرتك حاجه ارجو انك مش تعتبرها تطفل او تدخل فى حياتك واراءك

انا قريت لحضرتك تعليق عند واحد اسمه مثلى قوى

الاخ ده حضرتك كنت بتقوله كل سنه وهو طيب بمناسبه رمضان

طبعا مشاعر جميله من حضرتك بس كنت عاوزه انبهك لحاجه مهمه

لو كت فحصت مدونته كويس كنت هتعرف انه مش بس مثلى

انما ملحد كمان وكان ليه بوستات بيسب فيها الاسلام منزل صور مسيئه ليه وتريقه على علماء مسلمين كبار

ارجو حضرتك تاخد بالك واتمنى تتقبل رأيى اللى هو وربنا يعلم حرص عليك وعلى دينك اللى انا متاكده انه غالى عليك زى ماهو غالى عليا

ربنا يعزك ويعز الاسلام بيك

كل رمضان وحضرتك بخير

نـــارا يقول...

أدام الله صحبتكم على طاعته ..

دمتُم سعداء ..

قلب مصرى يقول...

bema
إن شاء الله

قلب مصرى يقول...

المسرحجى
حمداً لله على السلامة
نورت عالم التدوين من تانى
وكل رمضان وانت بخير

قلب مصرى يقول...

رصيف نمرة خمسة
وحضرتك طيبة
إيه الغيبة الطويلة دى
نورتى من تانى

قلب مصرى يقول...

أختى فى الله حبيبة
لست فى حاجة للتأكيد على غيرتى على دينى وعلى تمسكى به واعتزازى الشديد به.
حضرتك مش أول حد يعلق على الحكاية دى أرجوك راجعى ردى على المثلى وعلى أستاذ أحمد.
أنا لا أوافقه على أفكاره بل كل ما حدث أنى رددت تحيته بأحسن منها كما علمنا رسولنا الحبيب صلى الله عليه وسلم وفقط.

قلب مصرى يقول...

نارا
جزاك الله خيراً وتقبل دعائك لنا بظهر الغيب اللهم آمين.

دعاء مواجهات يقول...

صراحه مش لاقيه تعليق

على كلامك ورقته فعلا

انت اخ اعتز بيه

اسفه على التقصير

قلب مصرى يقول...

دعاء مواجهات
تعليقك لو جه فى أى وقت هو شرف ليا.
أشكرك بشدة

L.G. يقول...

اللقاءات التدوينية تجعل الخيال حقيقة وهو امر جد طيب أن نلتقي بمن يشاركنا الفكر والأحلام والآمال .. بعض المدونين اصبحوا اصدقاء بالفعل واتمنى ان التقي بالبقية . فكرة اعمل برنامج لقاء مع مدون على راديوا ارابيسك :)

انا اعتقد ان عالم التدوين وما افرزه من شخصيات سيكون لها شأن في بناء البلد بعد ان تستقر الأحوال
:)))))) عام 2008 كان العام الذهبي للتدوين :)
دمت بخير
تحياتي