كل حاجة

كل حاجة فيا فاكرة حاجة فيك
لسة صوتى جوه منى بيناديك
حتى عينى لسة فاكرة لون عنيك
لسة باحلم إنى أرجع يوم إليك

لسة فاكر يوم وداعنا ويوم لقانا
لسة عايش ع الأمل يعود هوانا
الهوى اللى عاش بيجرى بين دمانا
والى عاش مشتاق للمسة من إيديك
كل حاجة فيا فاكرة حاجة فيك

كل حاجة فيا لسة عايشة ع الحنين
رافضة بعدك مهما طال بعدك سنين
عاشقة صوتك حتى لو صوتك أنين
بس قلبى لسة برضو مش لاقيك
كل حاجة فيا فاكرة حاجة فيك

كل ساعة فرح عاشت بين ضلوعنا
كل لحظة حزن جرت يوم دموعنا
كل ده مستنى منك يوم رجوعنا
إمتى ترجع إمتى قلبى يلتقيك
كل حاجة فيا فاكرة حاجة فيك